Gjatë ditës së sotme, qarkulloi një lajm i pavërtetë mbi vdekjen e gruas 40-vjeçare, ku pretendohej se nuk ia doli dot mbanë pas shpërthimit të bombolës në biznesin e saj. Ky lajm që bëri xhiron e rrjetit, është hedhur poshtë nga familjarët e 40-vjeçares, e cila fatmirësisht është në gjendje të stabilizuar, ndërsa ka humbur dy vajzat e saj.
Alketa Gjoka dhe djali i saj 12-vjeç, janë në gjendje të stabilizuar. Lajmi bëhet i ditur për “BalkanWeb” nga nipi i familjes Gjoka, i cili ndodhet pranë nënës dhe djalit në Itali, ku edhe ndodhen për mjekim prej rreth 3 javësh, për shkak të lëndimeve të marra.
Ngjarja e rëndë ndodhi mëngjesin e 4 korrikut, në hotelin e tyre në Velipojë. Dy vajzat e familjes Gjoka, nuk mundën t’i mbijetonin plagëve të marra.
