Partizani është duke kryer përgatitjet për ndeshjen e radhës në kampionat, atë kundër Flamurtarit. Por një surprizë ka ndodhur sot për lojtarët.
Në ambientet e fushës, është shfaqur portieri Aldo Teqja, i cili pak kohë më parë pësoi një aksident, duke u rrëzuar nga kati i gjashtë i pallatit ku ai jeton.
24-vjeçari ka ndjekur nga afër shokët e tij të ekipit në stërvitje, me të cilët pritet të bashkohet shumë shpejt në ditën e ardhshme.
“Skuadra ka rifilluar sot përgatitjet për takimin e radhës ndaj Flamurtarit, i vlefshëm për javën e 12 të Kategorisë Superiore.
Seanca e sotme është zhvilluar në orën 10:00, në Kompleksin Sportiv “Internacional Tirana” në Pezë. Trajneri Lerda dhe stafi kanë vijuar normalisht programin stërvitor.
Një surprizë e këndshme për lojtarët dhe stafin përgjatë seancës së sotme ishte edhe prezenca e portierit Aldo Teqja, i cili ka ndjekur nga afër përgatitjet, dhe pritet që shumë shpejt t’i bashkohet kampionëve në ditët në vijim. Përgatitjet do të vijojnë të mërkurën, sërish në Kompleksin Sportiv “Internacional Tirana” në Pezë”.
“Gardiani” i portës së “demave” shpëtoi për shkak të tendave të ballkonit, dhe rrëzimit në lulishten me bar.
