Një burrë nga Australia jetonte mbi një minierë ari, por ai nuk ishte i vetëdijshëm për këtë pasuri.
Anthony Doolin bleu një pronë të shtrirë në Brisbane, Australi, mbi tre vjet më parë për 1.35 milionë dollarë. Por, ai nuk ishte në dijeni për një minierë ari, derisa vendosi të shëtiste rreth tokës së tij prej 16.5 hektarësh, kur ai u rrëzua dhe e gjeti veten para një miniere ari.
“Nuk na është thënë gjë për këtë, ne e kemi gjetur rastësisht atë një ditë. Mua më hasi këmba në një pengesë dhe pothuajse rashë”, thotë Doolin për realestate.com.au.
Çuditërisht, prona e Doolinit e cila është vetëm 12 kilometra nga distrikti qendror i biznesit të Brisbanit, ka disa miniera të tjera që presin të zbulohen, të fshehura nën kodra për më shumë se një shekull. “Kishte shumë miniera në fillim të shekullit dhe në ato kodra ka ende të tilla. Kjo që zbuluan është rreth gjashtë metra e thellë dhe është ende e paprekur”, tha Doolin.
