Policia ruse ka gjetur trupin e shtetases amerikane Catherine Serou, pasi ajo u raportua e zhdukur qytetin e Nizhny Novgorod 400 kilometra në lindje të Moskës.
Serou, 34 vjeçe, një studente në Universitetin Lobachevsky dhe një ish marinse, u zhduk të martën në mbrëmje pasi hipi në një automjet të paidentifikuar jashtë rezidencës së saj, në periferi Bor të Nizhny Novgorod, shkruan The Moscow Times.
Nëna e saj Beccy Serou, tha për NPR se mesazhi i saj i fundit nga vajza e saj lexonte: “Në një makinë me një të huaj. Shpresoj të mos më rrëmbejnë ”.
Një ekip kërkimi dhe shpëtimi që përfshinte më shumë se 100 vullnetarë gjetën trupin e Serou mëngjesin e sotëm, pas dy ditësh kërkime në veri të rrethit Bor.
Një grup lokal i kërkim-shpëtimit, Rys, postoi lajmin se vullnetarët që ndihmuan në kërkim gjetën një trup të pajetë dhe shprehën ngushëllime për familjen e Chatherine Serou.
