Policia ka proceduar penalisht disa persona në Librazhd, mes tyre edhe kryetarin e PD të këtij qyteti, Bujar Vreto. Ata tentuan t’i zënë rrugën eskortës së Ramës, i cili shkoi në Librazhd, për të realizuar një takim me qytetarët.
Mësohet se Vreto po hetohet në gjendje të lirë, bashkë me personat e tjerë. Por ky i fundit nuk e ka lënë me kaq, por ka përcjellë një mesazh në rrjetin social Facebook.
Bujar Vreto thotë se demokratët po kërcënohen. Sipas tij, qytetarët e lirë duhet të paraqiten në komisariatin e Librazhdit, kjo me ‘urdhër nga lart’.
