Një ditë më parë, një përplasje mes tre femrave të show-bizzit shqiptarë shkaktoi mjaft thashetheme. Mediat rozë menjëherë nxituan të hidhnin dyshimet e para se çfarë kishte ndodhur, por këto zëra i ka shuar moderatorja Einxhel Shkira. Sipas disa burimeve pranë “Iconstyle.al”, Kejvina Kthella dhe Oriola Marashi kanë debatuar në rrugë me Einxhel Shkirën, e thuhet se kjo ka arritur deri në dhunë fizike.
Edhe pse Kejvina dhe Oriola ende nuk kanë dhënë një prononcim, Shkira ka bërë një deklaratë për “Anabel.al”, ku dhe ka sqaruar situatën. Ajo ka thënë se ishte gjendur në një situatë, të cilën mund ta kishte zgjidhur pa u shkaktuar kaq shumë bujë. Bukuroshja e ekranit tha më tej se ishin zënë për arsye mjaft banale.
“Unë u gjenda e papërgatitur, pasi zbrita për ta takuar pa asnjë paramendim Kejvinën, me të cilën kemi prej kohësh një marrëdhënie shoqërore të rregullt në distancë. Atje u përballa menjëherë me një sulm fjalësh dhe kërcënimesh.
Isha një kundër dy, dhe në debat e sipër, gjaknxehtësia bën të vetën. Arsyeja ishte banale dhe nuk kishte pse të degjeneronte në sherr, kur mund të zgjidhej njerëzisht ose të evitohej fare. Akoma edhe sot, nuk e kam kuptuar qëllimin e saj, por nga ana tjetër më vjen shumë keq që u përfshiva në një situatë të tillë, si asnjëherë në jetën time, dhe që ky lajm u bë publik”, ka sqaruar Einxhel.
