Moderatorja Arjola Shehu ka qartësuar gjithçka mbi aludimet që qarkullonin nëpër media mbi një lidhje romantike që mund të kishte lindur mes saj dhe futbollistit Thomas Strakosha.
Sipas saj, është abuzuar shumë përsa i përket kësaj çështje nga portalet dhe se ajo nuk ishte takuar ndonjëherë me Strakoshën, teksa tha se hera e parë që kishte dëgjuar për të ka qenë në ‘Këngën Magjike”.
“Është abuzuar me këtë gjë. Unë atë njeri nuk e kam takuar asnjëherë në jetë. Si mund të lidhesh me një njeri, që s’e ke takuar kurrë, s’e ke përshëndetur njëherë nga afër?! Për herë të parë unë kam dëgjuar për të në “Kënga Magjike”. Strakosha më bëri një koment shumë dashamirës.
E kapën portalet dhe filluan. Ai më bëri një koment, unë i dhashë “like”. Kaq ishte e gjitha. Tani, të më lidhësh me një njeri, që nuk e kam takuar asnjëherë në jetë, për një koment dashamirës, më duket e tepërt. Nuk e di pse i japim zë diçkaje, që nuk ekziston. Ta lëmë të qetë të birin e botës, se kushedi, ka jetën e vet”.
Strakosha ishte në qendër të mediave shqiptare dhe italiane gjatë ditëve të fundit, për shkak të përjashtimit që i bëri Christian Panucci nga dy eliminatoret e marsit, ndaj Turqisë dhe Andorrës.
