Tetë anëtarë të familjes Lala që u nxorën të pajetë nga rrënojat, do të përcillen ditën e nesërme për në banesën e fundit.
Vila në të cilën banonin u shemb e gjitha disa orë pas tërmetit që shkaktoi pasoja tragjike, ndërsa familjarët ishin bllokuar brenda.
Homazhet do të mbahen në pallatin e Kulturës në Durrës.
Deri më tani, raportohet se 50 persona kanë humbur jetën nga tërmeti që goditi vendin orët e para të mëngjesit të ditës së martë, ndërsa qindra të tjera janë plagosur.
