Një krim i rëndë tronditi dje vendin, ndërsa vjehrri i mori jetën nuses së tij e më pas u vetëvar. Djali i shtëpisë ka zgjedhur që të shkojë në ceremoninë mortore të babait, dhe jo në atë të bashkëshortes së ndjerë, Merushe Hazizi.
Fatjon Hoxha sot varrosi nusen Merushe Hazizi dhe babanë e tij Xhevahirin, një ditë pasi ky i fundit vrau me thikë të renë dhe më pas vari veten në pemën e shtëpisë në fshatin Vidhisht të Roskovecit në Fier.
Xhevahiri, është shoqëruar nga një numër i vogël personash për në banesën e fundit. Në zonë është parë një prani e shtuar e forcave të policisë, kjo për të shmangur ndonjë hakmarrje të mundshme nga familjarët e viktimës.
61-vjeçari është përcjellë për në varrezat e fshatit nga familjarët e të afërmit, të paktë në numër.
Merushe Hazizi, nënë e tre fëmijëve nga martesa e parë, do të prehet në varrezat pranë familjes së saj.
Fatjon Hoxha, djali i Xhevahirit, ka qenë i martuar me parë dhe ka një fëmijë 9 vjeç me gruan e parë. Ndarja nga gruaja e parë dhe bashkëjetesa me Merushen ishte e papranueshme nga babai i tij.
Prej tre vitesh ata kishin debate të vazhdueshme deri sa dje, 61 vjeçari e masakroi me thikë 30 vjeçaren në tualetin e banesën e tyre në fshatin Vidhisht të Roskovecit. Pasi kreu krimin, u vetëvar në një pemë që ndodhet në pjesën e pasme të shtëpisë.
