Pronari i ish-universitetit privat “Kristal”, Ahmet Muça ka dalë sot para Gjykatës së Tiranës, për t’u njohur me masën e sigurisë.
Por, edhe pse Muça u kap “me presh në dorë”, Prokuroria ka kërkuar lirimin e tij dhe masën ‘arrest shtëpie’ për të.
Gjyqi është zhvilluar me dyer të mbyllura për shkak të sekretit hetimor, ndërsa Muça akuzohet për “korrupsion pasiv në sektorin privat”.
70-vjeçari mbrohet nga avokati Theodhori Sollaku. Ai shiste diploma për 2500 euro edhe pas mbylljes së Universitetit me datat dhe vulat e kohës kur ky institucion ishte i hapur.
Nga shqyrtimi i kërkesës nga Ministria e Arsimit rezulton se Universiteti ‘Kristal’ ka lëshuar 86 diploma të falsifikuara pas mbylljes.
