Pas daljes nga terapia intensive, duket se kryeministri britanik Boris Johnson ka shenja përmirësimi.
Ai u shtrua në spitalin St.Thomas, pasi u infektua me koronavirus, ku qëndroi për 3 ditë në terapi intensive.
Johnson u diagnostikua me koronavirus në 26 mars, së bashku me të fejuarën e tij shtatzënë, por ajo nuk ka shfaqur simptoma të forta dhe është në gjendje të mirë shëndetësore.
Tani që ka filluar të përmirësohet, Johnson nuk mund të linte pa falenderuar mjekët të cilët i shërbyen dhe i shpëtuan jetën.
“Unë nuk mund t’i falenderoj sa duhet. Unë u kam borxh atyre jetën time”, ka thënë Johnson për stafin e NHS.
Kryeministri do të qëndrojë nën kontrollin e mjekëve, ndërsa rolin e tij në krye të qeverisë e ka marrë Sekretari i Jashtëm, Dominic Raab.
