Policia e Tepelenës ka arrestuar shtetasin Roland Milo, i dyshuar për vrasjen e mikut të tij Sokol Rama. Ky i fundit u gjet një ditë më parë i vrarë me armë zjarri në makinë në zonën e Malëshovës, në vendin e quajtur “Përroi i Thellë”.
Roland Milo është bashkëpunëtor dhe i dyshuar për përfshirjen e 32-vjeçarit në trafikun e lëndëve narkotike. Ndërkohë, Rama ishte shpallur i zhdukur prej dy javësh nga familjarët e tij. Të dy ata janë në listën e personave me precedentë penalë të mëparshëm për vjedhje dhe trafikim të lëndëve narkotike.
Milo, rreth 40 vjeç, punonte aktualisht si shofer i administratorit të Njësisë Pista. Policia po heton për prishjen e pazareve të drogës që mund të ketë çuar në vrasjen e Ramës.
