Ditën e nesërme do të organizohet një aktivitet simbolik në përkujtim të ish-aktivistit të Lëvizjes Vetëvendosje, Astrit Dehari. Njoftimi u bë publik nga Shoqata “Unë jam Astriti”.
Dehari u gjet i pajetë në Qendrën e Paraburgimit në Prizren në nëntor të vitit 2016, në rrethana ende të pasqaruara nga autoritetet.
“Ju ftojmë që me datë 28 tetor (ditë e hënë) nga ora 18:00, të përcillni aktivitetin simbolik në përkujtim të Astrit Deharit, që do të mbahet në rrugën Rexhep Luci (afër Kino ABC) në Prishtinë.
Aty, ku tashmë edhe është ngritur një pikturë murale përkujtimore për Astrit Deharin, do të mblidhemi së bashku në një aktivitet përkujtimor për ta shprehur solidaritetin dhe dhimbjen tonë me familjen Dehari. Derisa familja Dehari do të mbajë një fjalë rasti”, thuhet në njoftimin e publikuar.
