24-vjeçari shqiptar nga komuna e Lipjanit, Shqipdon Aliu, i cili u gjet pa shenja jete, kishte lënë një video-incizim në telefon.
I ftuar në “Pressing”, kreu i Lipjanit, Imri Ahmeti ka folur për rastin e të riut, trupi i të cilit u gjet pranë një gurthyesi në Gadime të Lipjanit.
“Ai ka lënë një video në telefon për arsye të aktit që ka bërë, më tutje nuk dimë diçka por bëhet fjalë për një akt të kryer”, u shpreh Ahmeti.
Ky i fundit shtoi se kjo qe ka ndodhur është fatkeqësi dhe se ndan dhimbjen me familjen e të ndjerit.
“Kjo çka ka ndodhur është një fatkeqësi. Ne ndajmë dhimbjen me familjen e të ndjerit dhe qytetarët e Gadimes nga Lipjani”, ka thënë Ahemti në Pressing.
Që Shqipdoni ka lënë mesazhe në telefon ka raportuar edhe T7. Gjatë kontrollit që iu bë telefonit, personi që gjeti trupin kishte lexuar disa porosi që i ndjeri kishte lënë para vdekjes.
Po ashtu mesazhi tjetër që kishte lënë Shqipdoni ishte një porosi për familjen e tij, por nuk dihen të tjera detaje.
