Pak ditë më parë policia italiane ka zbuluar skeletin e një personi të murosur në provincën e Senagos në Milano të Italisë. Dyshohej se viktima e murosur rreth 5 vite më parë i përkiste një shqiptari të humbur.
Ndërsa ditën e sotme Policia e Milanos ka identifikuar trupin e të murosur në vilën luksoze në dhe ai është shqiptar. Mediat italiane bëjnë me dije se skeleti i gjetur në këtë vilë i përket shtetasit me emrin Astrit Lamaj, i lindur më 1971, i cili jetonte në Genoa, ndërsa zhdukja e tij u raportua në janar 2013.
Emri i tij ishte i njohur për policinë, pasi ishte akuzuar për trafik droge. Trupi, reduktuar tashmë në një skelet, u gjet gjatë disa renovimeve në strukturën e vilës. Hetuesit po hetojnë në disa pista për të gjetur shkakun e vdekjes së tij dhe murosjen e trupit në këtë vilë, prej të paktën 5 vitesh.
