Victoria Beckham ka thyer rregullin e saj 20-vjeçar për ngrënien e karbohidrateve pasi bashkëshorti David e ka mahnitur me aftësitë e tij të gatimit gjatë karantinës.
Ish-futbollisti, 45 vjeç, i cili thuhet se do të marrë pjesë në programin Celebrity Bake Off, ka eksperimentuar me receta gjatë izolimit.
Sipas raporteve, Victoria nuk ngopej dot me picën e bërë në shtëpi nga David, pasi përdori mbushje të ndryshme për të.
Edhe pse është pohuar se stilistja, 46 vjeç, njihet për dashurinë e saj për peshkun dhe perimet në avull, ajo do t’i kthehet sërish dietës së saj tani vjeshta po afron.
Një burim i tha The Sun: “Victoria nuk ka futur asnjë karbohidrat në gojë që nga viti 2001. Por në fillim të karantinës, David filloi të eksperimentonte me receta – duke e bërë brumin nga e para dhe duke provuar mbushje të ndryshme”.
Menjëherë sapo provoi një copë pice, ajo nuk mund të ndalej dot së ngrëni.
Davidi është marrë me gatimin dhe përsosjen e recetave të tij në shtëpinë e tyre në Cotswold ku ai ka qenë i karantinuar me gruan dhe tre fëmijët e tij, Harper, nëntë vjeç, Cruz, 15 vjeç dhe Romeo, 17. Djali i madh Brooklyn, 21 vjeç, e kaloi izolimin në Amerikë me të fejuarën Nicola Peltz, shkruan “iconstyle”.
