Klement Balili, i cili u dënua me 10 vite burg nga Gjykata e Krimeve të Rënda ka kërkuar lirinë në Gjykatën e Apelit, duke ankimuar vendimin.
Sipas Balilit, ai nuk ka lidhje me trafikun e drogës dhe se prokuroria nuk ka prova për të vërtetuar akuzat, ndërsa deklaron se numri që prokuroria pretendon se është i tij, në të vërtetë, nuk vërtetohet.
Për pasojë, avokati tha se personi që del në përgjime nuk është Klement Balili, ndërsa sa i përket numrit të pasaportës, avokati u shpreh se dikush e ka dërguar qëllimisht për të implikuar klientin e tij.
Por pavarësisht pretendimeve, treshja gjykuese në Shkallë të Parë e shpalli fajtor Balilin për akuzat e ngritura dhe e dënoi atë me 10 vite burg.
Kujtojmë se Balili u dënua për trafikimin e rreth 678 kilogramë kanabis, pastrim parash, mosdeklarim të pasurisë dhe fshehje të pasurisë.
