Komisioni i Pavarur i Kualifikimit ka konfirmuar në detyrë Eriol Roshin, kryetari i Gjykatës Administrative të Tiranës. Pasi ka dalë i pastër në verifikimet e bëra, Roshi ka kaluar me sukses procesin e Vettingut.
Trupa gjykuese që kreu procesin e rivlerësimit për Roshin përbëhet nga Genta Tafa Bungo, Lulzim Hamitaj dhe Valbona Sanxhaktari.
Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Bazuar edhe nga të dhënat e ILDKPI, gjyqtari Roshi rezulton se nuk ka fshehur pasurinë. dhe ka burime financiare të mjaftueshme.
