Zbulohet identiteti i shqiptarit të dëbuar nga shteti italian, i cili konsiderohet si një eksponent i rrezikshëm për terrorizëm. Bëhet fjalë për Shaban Cacën, i cili jetonte në Padova dhe që u dëbua pas publikimit të postimeve në Facebook kundër festës së Krishtlindjeve.
Caca mbante lidhje me imamë të arrestuar në Kosovë për terrorizëm e nxitje të urrejtjes raciale. Shqiptari është shoqëruar në kufi me ndalimin e hyrjes në territorin italian për 10 vitet e ardhshme.
Së bashku me shqiptarin e dëbuar është sinjalizuar si person i rrezikshëm dhe një tjetër emigrant shqiptar me statusin e azilkërkuesit.
