Ish-presidenti i Afganistanit, Ashraf Ghani, është strehuar në Emiratet e Bashkuara Arabe. Ghani u largua nga Afganistani, ndërsa talebanët përparuan në kryeqytetin e tij, Kabul, gjatë fundjavës.
Ministria e Jashtme e Emirateve të Bashkuara Arabe tha se vendi kishte mirëpritur z. Ghani dhe familjen e tij në baza humanitare.
Në një fjalim me video më vonë të mërkurën, Ghani tha se ai ishte larguar nga Afganistani për të shmangur gjakderdhjen, dhe për të parandaluar atë që ai e përshkroi si një “fatkeqësi të madhe”.
Ai gjithashtu tha se thashethemet se ai kishte udhëtuar në Emiratet e Bashkuara Arabe me një shumë të madhe parash, ishin “krejtësisht të pabaza” dhe “gënjeshtra”.
Ghani është përballur me kritika të ashpra nga politikanët e tjerë afganë, për largimin nga vendi.
“Zoti do t’i japë llogari dhe kombi gjithashtu do të gjykojë”, tha Abdullah Abdullah, kryetar i Këshillit të Lartë të Afganistanit për Pajtimin Kombëtar.
PROFILI/ Kush është Ashraf Ghani?
Presidenti amerikan Joe Biden kritikoi gjithashtu qeverinë e Afganistanit në ikje, në një fjalim të hënën.
Ghani erdhi në detyrë në 2014 dhe u rizgjodh në shkurt 2020.
Duke folur për BBC në fillim të këtij viti, ai hodhi poshtë frikën për një fitore ushtarake talebane. “Ky nuk është Vietnami. Qeveria nuk po shembet”, tha ai.
Kjo nuk është hera e parë që Emiratet e Bashkuara Arabe ofrojnë një strehë të sigurt për udhëheqësit e rrëzuar, ose të arratisur nga vendet e tjera. Kryeministrja e Pakistanit Benazir Bhutto e bëri Dubain shtëpinë e saj të re në vitet 1990, para se të kthehej më vonë në pushtet.
Vitin e kaluar, ish mbreti spanjoll Carlos u vendos gjithashtu atje.
Por Emiratet e Bashkuara Arabe, të cilat strehojnë një popullsi të madhe të punëtorëve afganë dhe pakistanezë, nuk do të duan ta shohin territorin e saj të përdorur si një platformë politike.
Ishte një nga tre vendet, së bashku me Arabinë Saudite dhe Pakistanin, që njohën qeverinë e mëparshme të ashpër të talebanëve, e cila u rrëzua në 2001.
Burimi i lajmit: BBC. Përshtatur nga Tirana Today
