Dy transferta të vështira në veri të Evropës nga të cilat Shqipëria e 21-vjeçarëve u kthye me tre pikë të arta. Një humbje në sekondat e fundit në Irlandë por edhe një fitore spektakolare në Islandë. Kuqezinjtë e vegjël kanë hedhur kandidaturën për vendin e dytë të grupit 2 eliminator të Europianit dhe trajneri Alban Bushi e pranon se me 3 pikë në dy ndeshje skuadra i ka plotësuar pritshmëritë e tij.
“Ishin dy ndeshjet e para jashtë dhe isha ne merak si do të reagonim, por reaguam shume mire. Nuk duhej te ishim mundur ndeshjen e pare por tre pike në dy ndeshje më kënaqin. Në Islandë dominuam gjithë ndeshjen. Ekipi ka forcë dhe lojtarë kandidatë për ekipin e parë A”. Timonieri i 21-vjeçarëve shton se skuadra që ia ka në dispozicion ka një të ardhme të madhe përpara pasi ka nisur të luajë me topin në tokë duke zhvilluar ndeshje shumë të bukura. Në vijim, ai përqendrohet edhe te objektivat e kësaj faze eliminatore”, thekson Bushi.
