Tyson Fury do të përballet me Sefer Seferin më 9 qershor, pas një periudhe të gjatë me probleme dhe ndëshkime. Ish-kampioni i peshave të rënda në botë është shprehur se është i uritur për hakmarrje dhe të tregojë se është më i miri në botë duke shpresuar që shumë shpejt të përballet me më të mirët: “Nuk mund të fle gjatë natës duke e ditur se njerëzit mendojnë se Anthony Joshua është më mirë se unë ose Deontay Wilder është më mirë se unë,” shkroi ai në Instagram.
Fury, 29 vjeç, nuk është ndeshur që prej përballjes me Vladimir Klitschko në nëntor 2015, pasi ka patur dëmtime, probleme personale dhe një penalizim për doping. Boksieri shqiptar, 39 vjeç, hedh një hap përpara duke u ndeshur në një ndeshje të peshave të rënda. Seferi mban një rekord me 23 fitore dhe vetëm një humbje, që ia ka shkaktuar ish-kampioni i peshave të rënda Gopy King. Ndërsa Fury numëron 25 fitore dhe asnjë humbje.
Fury e ka marrë shumë seriozisht ndeshjen me Seferin dhe shprehet se: “Ai është shumë i vështirë, vëllai i tij (Nuri Seferi) është edhe më i vështirë, kujtoj ndeshjen me kampionin e peshave të rënda në botë, Herbie Hide, ku ai luftoi shumë dhe Hide fitoi vetëm falë pikëve”, tha Fury për “SkySport”.
Pyetjes se pse zgjodhi Seferin si kundërshtar ai u përgjigj: “Djemtë shqiptarë janë shumë, po shumë të fortë. Kjo është arsyeja pse e zgjodha atë. Ai është i afërm me një barabar që ishte një mbret maqedonas”, tha boksieri anglez. Ndeshja e boksit mes Seferit dhe anglezit Fury zhvillohet më 9 qershor, në “Manchester Arena”.
