Një atmosferë e acaruar në Buenos Aires të Argjentinës në prag të derbit mes River Plate dhe Boca Juniors. Tani raportohet se tifozët e River kanë hedhur gurë dhe tymuese drejt autobusit të Boca-s. Lojtarët thuhet të jenë në gjendje jo të mirë shëndetësore, disa prej tyre kanë vjellë teksa shoferit të autobusit i kanë rënë të fikët nga tymi.
Pas kaosit të krijuar para ndeshjes së dytë finale, drejtues të të dyja ekipeve, në prani edhe të drejtuesve të CONMEBOL-it, u mblodhën për të marrë një vendim për zhvillimin e këtij takimi, pasi nga ana e Bokës pretendohej se ishte e pamundur të luhej ato kushte.
Tashmë është vendosur që takimi të nisë një orë me vonesë, pra në orën 22:00 me atë shqiptare. Ndërkohë, raportohet se Pablo Perez i Bokës, është transportuar në spital, pas disa të çarave pranë syrit, të shkaktuara nga xhami i thyer i autobusit.
Në stadiumin “Monumental” gjenden 2 mijë policë, për të shmangur përplasjet, edhe pse ka vetëm tifozë vendas.
