Gjithnjë e më shumë vendet po përfshihen në një garë për të pasur sa më shumë prezencë ushtarake në pika jashtë-territoriale shtetërore.
Kina është vendi kryesor që po mbështet dhe investon për prezencën ushtarake në Afrikë, por së fundmi edhe Turqia, e cila edhe pse ka kapacitet shumë më modest, po kërkon të rrisë prezencën.
Sipas njoftimeve nga mediat, ministri somalez i Mbrojtjes, Abdirashid Abdullahi Mohamed, ka bërë të ditur hapjen e një kampi stërvitor turk në kryeqytetin Mogadishu, në Somali.
Kampi do jetë me sipërfaqe 4 km2 dhe në të do të vendosen 200 trupa turke, që pritet të stërviten njëkohësisht me 1 500 trupa somaleze.
Ndërkohë që Turqia po i ofron ndihmën e saj Somalisë edhe në kuadrin e thatësirës së madhe që e ka pushtuar dhe kolerës që ka rënë atje.
