Kryeministri i Turqisë, Binali Yıldırım deklaroi se shpreson që marrëdhëniet turko-amerikane të avancohen. Kjo deklaratë vjen pas shkarkimit të Sekretarit amerikan të Shtetit, Rex Tillerson.
Shefi i Qeverisë turke udhëtoi sot në mëngjes për vizitë zyrtare në Azerbajxhan, ndërsa para nisjes në aeroportin Esenbog në Ankara iu drejtua gazetarëve dhe komentoi vendimin e djeshëm të presidentit Donald Trump, raporton Anadolu Agency (AA).
“Pa marrë parasysh çfarë ka ndodhur, qëndrimi i Turqisë është i qartë. Për ne nuk është edhe aq me rëndësi se çfarë do të mendojë sekretari i ri i Shtetit për Turqinë”, tha Yildirim.
Megjithatë, ai theksoi se marrëdhëniet e shëndosha mes Ankarasë dhe Washingtonit nuk varen nga individë.
