Turqia përkujton sot përvjetorin e pestë të një grushti shteti të dështuar nga një fraksion ushtarak, me trazira të planifikuara në të gjithë vendin, përfshirë Stambollin dhe kryeqytetin Ankara.
Parlamenti ka në plan të mbajë një ceremoni përkujtimore dhe Presidenti Rexhep Tajip Erdogan pritet t’u drejtohet të ftuarve, përfshirë familjet e viktimave, në pallatin presidencial më vonë gjatë ditës. Gjatë natës, një “vigjilencë demokratike” do të mbahet në parlament deri në ceremoninë e vendosjes së një kurore rreth orës kur godina u sulmua, çka do të jetë kulminacioni i përkujtimeve të ditës, sipas agjencisë shtetërore të lajmeve Anadolu.
Natën e 15 korrikut 2016, udhëheqësit e grushtit të shtetit dhe forcat e sigurisë besnike të qeverisë u përplasën në të gjithë vendin, përfshirë Stambollin dhe Ankaranë. Më shumë se 250 u raportuan zyrtarisht të vdekur dhe më shumë se 2,000 u plagosën. Ankaraja fajëson klerikun islamik me qendër në SHBA, Fethullah Gylen për orkestrimin e grushtit të shtetit të dështuar dhe caktimin e lëvizjes së tij si një grup terrorist. Kleriku, një aleat i cili më vonë u bë armiku i Erdoganit, i ka mohuar akuzat.
Dhjetëra mijëra janë arrestuar në Turqi pas përpjekjes për grusht shteti, ndërsa më shumë se 100,000 nëpunës civilë janë shkarkuar. Më shumë se 23,000 nga ata që u pastruan ishin nga ushtria, tha Ministri i Mbrojtjes Hulusi Akar të martën. Erdogan premtoi të mërkurën në një fjalim në parlament, se qeveria e tij do të ndjekë besnikët e Gylenit “brenda dhe jashtë Turqisë … derisa anëtari i fundit të neutralizohet”.
Pas përpjekjes për grusht shteti, qeveria vendosi një gjendje të jashtëzakonshme e cila zgjati deri në korrik të 2018-ës. Partitë e opozitës akuzojnë Erdoganin për përdorimin e periudhës së përpjekjes për grusht shteti për të konsoliduar sundimin autoritar. Erdogan e rriti autoritetin e tij me kalimin në presidencë ekzekutive në 2017-ën.
