Nuk ishte surprizë që të mundeshim sërish, por surprizë ka qenë rezultati përfundimtar i përballjes së kombëtares shqiptare të basketbollit me atë të Hungarisë. Hungaria si vend pritës arriti të mposhtë shqiptaret me një rezultat (më të thellë se ai i Rusisë katër ditë më parë në Tiranë 122-37) tejet të thellë 137-48. Kjo ishte disfata e dytë radhazi me 100 pikë diferencë në kampionatin Europian për femra që organizohet në vitin 2019. Kombëtarja shqiptare ndodhet në grupin C dhe tani përballjen e radhës e ka vitin e ardhshëm me Lituaninë. Nga ana tjetër Hungaria mbanë vendin e parë në grup duke i fituar dy sfida nga dy të zhvilluara deri tani.
Avantazhi i sfidës së sotme u thellua nga perioda e parë deri tek e fundit, me vajzat kuqezi që ishin vazhdimisht në ndjekje, pa mundur të rivalizojnë. Trajneri Toska sërish bëri mjaft zëvendësime, por asgjë nuk ndryshonte në lojën e Shqipërisë, që për asnjë moment nuk ishte në gjendje të duelojë ndaj basketbollisteve vendase, shtatlarte dhe superiore në çdo aspekt. Epërsia 27-11 e krijuar në periodën e parë u thellua edhe më shumë me kalimin e kohës, me kombëtaren shqiptare që vuan shumë nën tabelë dhe nuk përballon si duhet presingun e kombëtares vendase, që e kthen sfidën në stërvitore dhe korr suksesin e dytë në po kaq takime të luajtura, duke kryesuar grupin. Hungaria fitoi 137-48, me 89 pikë diferencë, një rezultat edhe më i dobët për Shqipërinë se në sfidën e parë.
Hungari – Shqipëri, 137-48 (27-11, 39-15, 28-12, 43-10)
HUNGARIA: Raksanyi (7), Simon (6), Goree (11), Katona (8), Varga (7), Medgyessy (4), Krivacevic (12), Studer (14), Dubei (12), Hatar (17), Zele (25), Szabo (14). Trajner: Norbert Szekely
SHQIPËRIA: Myrto (9), Zykaj (9), Lalaj (10), Xhanaj, Gjoni, Bujari (8), Toska, Rreshpja (2), Berranija, Aliaj (8), Sinani, Qypi (2). Trajner: Viron Toska
Gjyqtarë: Pascale Weiwers (Luksemburg), Zdenko Zubak (Sllovaki)
