Studentët janë ndarë në dy grupime, në ata që nuk pranojnë dialogun, dhe një pjesë që ka pranuar të dëgjojë fjalën e Ramës. Një pjesë e studentëve të cilët do dëgjojnë kryeministrin, janë cilësuar si servila nga pjesa tjetër, të cilët kërkojnë plotësimin e 8 kushteve.
Një pjesë e studentëve janë pritur më fishkëllima dhe revoltë, pasi do të hyjnë në takim me kryeministrin Rama në Universitetin “Ismail Qemali” në qytetin e Vlorës.
“Turp, turp, turp, servila!”, janë disa nga thirrjet e studentëve, që kanë protestuar prej disa ditësh.
Studentët jashtë kamerave thonë se ata kanë marrë kërcënime për veten dhe për familjen, që të mos jenë pjesë e protestës. Në të kundërt, mund të ketë pushime nga puna.
Takimi i kryeministrit Rama në Universitetin e Vlorës pritet që të nisë rreth orës 11:00, ndërsa gazetarët nuk do të lejohen që të jenë të pranishëm, dhe transmetimi do të bëhet nga regjia e ERTV-së.
