Rreth 50 turistë të huaj dhe shqiptarë u shpëtuan në ishullin e Sazanit, ndërsa në ndihmë i ka ardhur anija e Flotës Detare të klasit “Iliria”. Sipas ministrisë së Mbrojtjes mes trusitëve të bllokuar ishin edhe disa korrespondentë të agjencive të huaja të lajmeve.
“Pas udhëtimit drejt Sazanit me anijë të vogël turistike turistët u bllokuan në ishull. Gazetarët kërkuan ndihmë pranë Forcës së Armatosur pasi dallgët e larta penguan lëvizjen e tyre për disa orë”, thotë ministria në njoftimin zyrtar.
Anija e klasit “Iliria” është nisur drejt portit të Vlorës me të gjithë turistët në bord, përfshirë dhe disa fëmijë.
