Pas dy vitesh larg muzikës e intervistave intensive, Tuna është rikthyer sërish, e në një intervistë në emisionin ‘Prive’ ka zbuluar shumë gjëra rreth vetes. Pak muaj më parë, deklarata e Robert Berishës per kunatën e tij, këngëtaren e famshme, Tunën, u bë lajmi kryesor në median rozë.
Roberti e kërcënoi, duke i thënë të mos guxonte të merrej me të apo t’ia ndërpriste marrëdhënien e tij me vëllain. Tuna ka thyer heshtjen, duke thënë se tashmë kjo situatë nuk ka më vlerë.
“Nuk i kam komentuar për arsye se për mua nuk kanë vlerë. Për mua e vetmja gjë që ka vlerë në këtë fazë është familja ime. Me ‘familja ime’ nënkuptoj unë, Tian dhe Patrisi.
Kështu që krejt të tjerët janë të parëndësishëm në jetën time. Mendimet e tyre janë të parëndësishme. Jetojmë në një shtet demokratik, ku mediat i japin hapsirë gjithkujt. Çdokush mund të dalë e të shprehë mendimin e tij të lirë.
Unë nuk kam kohë për vete për këto gjëra. Unë dal flas për projektet e mia, për gjërat e mia personale, ndërsa për të tjerët s’më intereson”, përfundoi këngëtarja.
