Një ngjarje e rëndë ka ndodhur dje në Tiranë, kur një 63-vjeçar ka prerë damarët mbi varrin e së bijës.
Mësohet se ai është Shyqyr Koçi, i cili ishte në gjendje të rëndë psikologjike pas humbjes së vajzës së tij 19-vjeçare.
Kështu, ai ka shkuar te varri i së bijës, në Tufinë dhe ka prerë damarët. Fatmirësisht, kalimtarët e kanë parë atë të gjakosur dhe kanë lajmëruar menjëherë policinë, duke shmangur një fund tragjik të 63-vjeçarit.
Dyshohet se Koçi ishte në gjendje të dehur, kur preu damarët. Kur policët e pyetën mbi shkakun e tentativës së vetëvrasjes, ai u përgjigj: “Doja që të bashkohesha me vajzën dhe prindërit që nuk i kam më, se jeta pa ta nuk ka kuptim”.
