Mediat sociale si “Facebook” dhe “Instagram”, kanë mbyllur llogaritë lidhur me bandën shqiptare të drogës që quajtur “Hellbanianz”.
Javën e kaluar mediat britanike i bënë jehonë bandës “Hellbanianz”, e cila sipas tyre bazën e ka në Barking, në lindje të Londrës.
Banda në mediat sociale postonte foto të makinave luksoze sportive, armë, drogë dhe tufa me para. Ndërkohë në disa llogari të paligjshme të bandës u postuan dhe fotografi të anëtarëve të saj që janë në burg. Madje nëpër llogari u postonin edhe foto të telefonave celularë që banditët përdornin nga qelitë.
“Instagram-i”, tashmë thuhet ka mbyllur disa llogari kryesore të “Hellbanianz”, por edhe dhe të tjera të lidhura me të. Një ndër llogaritë e mbyllura është edhe ajo e udhëheqësit të supozuar të njohur me emrin “Vinz”.
Një zëdhënëse i Instagram-it tha: “Ne nuk lejojmë sjelljen të paligjshme, kërcënime apo krim të organizuar në Instagram. Politikat tona gjithashtu thonë se Instagram-i nuk është një vend për të mbështetur ose për të promovuar aktivitetin e bandës apo krimit të organizuar dhe kërcënimet serioze për sigurinë publike ose personale. Ne inkurajojmë të gjithë ata që shikojnë këto lloj përmbajtjesh të raportojnë nëpërmjet mjeteve tona në app”.
Megjithëse llogaria kryesore e bandës u mbyll, Vinz-it arriti të marrë dhe rikthejë llogarinë e tij. Në një foto ai shikohet duke tymosur cigare. Ndërsa në një tjetër foto ai është duke pirë duhan dhe në krah ka dy femra bukuroshe.
“Hellbanianz”, thuhet se është një bandë e cila bazën e saj e ka në Amerikën e Jugut. Madje mediat e huaja shkruajnë se nga atje banda merr drogën dhe e shet në Britani.
Ata thuhet se kanë bërë një goditje të madhe në tregun e kokainës në Britani. Shumë nga gangsterët që janë anëtarë të saj janë fëmijë të azilkërkuesve shqiptarë./TIRANA TODAY/
