Ministri i Jashtëm gjerman, Heiko Maas, u vendos në karantinë, pasi testet treguan se një nga truprojat e tij është infektuar me koronavirus, theksoi në një deklaratë Ministria e Jashtme gjermane.
Në testin e parë diplomati i lartë e Gjermanisë rezultoi negativ.
Maas nuk është anëtari i parë i qeverisë gjermane që vetizolohet për shkak të koronavirusit.
Kancelarja Angela Merkel kaloi dy javë në karantinë në shtëpi, në muajin mars, pasi kishte kontaktuar me një mjek që rezultoi pozitiv.
Heiko Mass është ministri i Jashtëm i Gjermanisë që prej 14 marsit të vitit 2018 dhe është anëtar i SPD-së.
