Presidenti Donald Trump po rishikon mundësinë që të njoh Jeruzalemin si kryeqytet të Izraelit. Palestinezët kanë thënë se Abbas e paralajmëroi presidentin Trump, për një synim të tillë, ndërsa ka theksuar se do të vazhdojë t’u afrohet drejtuesve të botës për të parandaluar një gjë të tillë.
Ndërkohë , Shtëpia e Bardhë dhe as palestinezët nuk kanë dhënë detaje në lidhje me spostimin e ambasadës së SHBA-së në Jeruzalem nga Tele Avivi.Sipas mediave ndërkombëtare, njoftimi është përcjellë në nje bisedë telefonike mes dy liderëve Mazen dhe Trump.Ndërkohë Mazen ka paralajëmruar Trump për rreziqet që mund të ndodhin në lidhje me një lëvizje të tillë, sa i përket stabilitetit dhe paqes në rajon e botë. Në lidhje me këtë çështje, Trump ka qenë i vendosur që në fillim dhe shumë i qartë.
Nuk bëhet fjalë për “nëse”, por për “kur””, deklaroi më herët zëdhënësi i Shtëpisë së Bardhë, Hogan Gidley, i cili shtoi se “një vendim” do të publikohet në ditët e ardhshme. Kjo lëvizje e Uashingtonit zyrtar mund të prodhojë njohjen e Jeruzalemit si kryeqytet i shtetit hebre. Por sido që të jetë, vendimi mund të shtyhet, raporton gjiganti amerikan CNN, ndërsa si burim të informacionit përmend burime pranë administratës amerikane.
Kjo strategji mund të vijë si pasojë e disa presioneve që kanë lindur brenda Shtëpisë së Bardhë, por edhe nga aleatët e huaj, nga kancelaritë evropiane e deri tek ato të disa vendeve arabe.
Kjo ka mundësuar që të krijohet një lloj balancimi për të zhvendosjen e ambasadës nga Tel Avivi në drejtim të Jeruzalemit, por kjo duhet të marrë edhe qendrimet e palestinezëve.Udhëheqësi i Turqisë, Erdogan deklaroi të martën se një veprim i tillë do të ishte një “gabim fatal” që do të nxiste konflikte të reja në Lindjen e Mesme.
