Presidenti Donald Trump ka njoftuar se Shtetet e Bashkuara të Amerikës po përcaktojnë Korenë e Veriut si sponsor shtetëror të terrorizmit, 9 vite pasi u hoq nga lista.
Gjatë një takimi të kabinetit, Trump tha se kjo do të shkaktonte sanksione të mëtejshme që do të shpallen të martën. Presidenti amerikan fajësoi programin bërthamor të vendit dhe mbështeti atë që ai e quajti akte kombëtare të terrorizmit. Teksa shpalli vendimin, ai tha se “kjo duhet të kishte ndodhur shumë kohë më parë”.
“Koreja e Veriut përkrahu në mënyrë të përsëritur aktet ndërkombëtare të terrorizmit”, tha Trump, duke shtuar se regjimi duhet të veprojë në mënyrë të ligjshme dhe gjithashtu të ndërpresë programin e saj të armëve bërthamore.
Ndërkohë udhëheqësi i Koresë së Veriut Kim Jong-un vazhdon të ndjekë programet e armëve bërthamore, në kundërshtimet me sanksionet e Këshillit të Sigurimit të OKB-së.
Kim Jong-un nuk ka mbajtur asnjë sekret në lidhje me zhvillimin e një rakete, e cila të jetë e aftë që të arrijë kontinentin e SHBA-së. Për këtë, muaj më parë sekretari amerikan i Mbrojtjes James Mattis u shpreh e kërcënimi i sulmit bërthamor nga Koreja e Veriut po rritet. /TIRANA TODAY/
