Vëmendja mediatike nuk i ka munguar aspak presidentit amerikan, Donald Trump në turin e tij të parë jashtë SHBA-së.
Trump di se si të tërheq gjithmonë vëmendjen e medias. Turi i tij i parë do të mbahet mend për sjelljet e tij arrogante që nuk i takojnë aspak një presidenti. Me siguri ju kujtohet sjellja ndaj kryeministrit të Malit të Zi, gjestin kundrejt Presidentit të Francës, kritikat fyese ndaj Gjermanëve dhe urojmë të jetë montazh ngacmimet ndaj Atit të Shenjtë, Papa Françeskut.
Trump u largua sot pasdite nga Siçilia, etapa e fundit e udhëtimit të tij të parë jashtë vendit ku vizitoi edhe Arabinë Saudite, Izraelin, Romën dhe Brukselin.
“Këtë javë bëmë shumë miq të mirë”, shtoi ai në përfundim të samitit të G7-ës në Taormina ku diskutimet ishin shumë të ashpra, në veçanti për çështjet e klimës.
Por nuk munguan edhe deklaratat e tij që të çorientojnë. “Paqja nëpërmjet forcës. Është ajo që do të kemi. Ne do të kemi shumë forcë dhe shumë paqe”, ritheksoi Trump, me një formulë habitëse.
Por “Show” i Trump do të vazhdojë sepse kur të mbërrijë në Uashington, presidenti amerikan do të përballet sërish me problematikat e hetimit për lidhjet e dyshuara të anëtarëve të ekipit të tij me Rusinë.
Sigurisht Trump e ka menduar mirë se cili apo cila do të jetë “viktima” e radhës.
