Presidenti amerikan, Donald Trump, në kuadër të vizitës në Lindjen e Mesme, viziton sot Izraelin. Në qendër të takimeve me zyrtarët e lartë atje, pritet të jetë konflikti izraelito-palestinez. Vizita në Izrael është pika e dytë në axhendën e vizitës së parë jashtë SHBA-ve e Tramp, si president.
Ndalesa e parë ishte të shtunën në Riyadd, ku dhe nënshkroi marrëveshjen e konsideruar historike, për shitje të armëve Arabisë Saudite, në vlerën 110 miliard dollarë.
Ndërsa ndalesa e tretë e Trump do të jetë Vatikani, duke përmbushur kështu vizitën në tre vendet me të rëndësishmë të tre prej besimeve kryesore në botë. Nuk përjashtohet mundësia që ai të zhvillojë një vizitë edhe në shtetin e Palestinës.
Trump gjatë turneut të tij do të marrë pjesë edhe në Samitin e Kryetarëve të Shteteve dhe Qeverive të vendeve anëtare të NATO-s në Bruksel, si dhe në samitin e grupeve të shtatë vendeve më të zhvilluara të G7, që do të mbahet në Sicili.
