Presidenti i Shteteve të Bashkuara, Donald Trump, mohoi se e ka minimizuar rrezikun e COVID-19, edhe pse në një intervistë më herët e ka pranuar se e ka bërë një gjë të tillë.
Në një ngjarje televizive me votuesit, Trump tha se e ka mbivlerësuar këtë rrezik.
“Nuk e kam minuar. Në fakt, në shumë mënyra, e kam mbivlerësuar për sa u përket veprimeve”, u shpreh presidenti.
Pretendimi bie në kundërshtim me komentet që Trump i bëri gazetarit Bob Woodward në fillim të këtij viti, kur ai tha se minimizoi rrezikun e virusit për të shmangur panikun te amerikanët, shkruan BBC.
Trump tha gjithashtu se një vaksinë anti-covid mund të ishte gati brenda disa javësh, pavarësisht skepticizmit nga ekspertët e shëndetësisë.
