Presidenti Trump do të zhvilloj dhe një vizitë zyrtare pune në Vatikan ku do të takohet me Atin e Shenjtë Papa Francesku, me sekretarin e Përgjithshëm të Vatikanit Pietro Parolin si dhe me Sekretarin e Vatikanit për raportin me shtetet kardinalin Paul Richard Gallagher.
Gjatë vizitës së tij në Itali, presidenti Trump do të takohet me presidentin italian Sergio Matarella, me kryeministrin Gentiloni, si dhe me ministrin e Jashtëm Alfano.
Zonja e Parë amerikane do të zhvillojë një vizitë në repartin e kardiologjisë në spitalin Bambino Gesu të Romës, ndërsa vajza e Presidentit amerikan do të marrë pjesë në takimin e organizuar nga komuniteti fetar San Egidio mes viktimave e trafikut të qenieve njerëzore.
Trump pritet të mbërrijë në Itali rreth orës 18.30 të pasdites së sotme, avioni i tij do të ulet në aeroportin e Fiumicinos në Romë.
