Ndikimi i shërbimeve ruse në zgjedhjet presidenciale në Shtetet e Bashkuara të Amerikës, kanë vënë në lëvizje ish-drejtuesit e FBI-së të cilët kërkojnë të marrin në pyetje personalisht Presidentin Trump-shkruan Tirana Today.
Mediat shkruajnë se kjo do të ndodhë shumë shpejt, ndërsa nuk bëhet me dije se cila do të jetë forma e intervistës.Avokatët e Donald Trumpit po zhvillojnë negociata me hetuesit për të intervistuar presidentin amerikan si pjesë e një hetimi të Departamentit të Drejtësisë-shkruan Tirana Today.
Gazeta “The Washington Post”, duke cituar një burim anonim pranë Trumpit, raporton se prokurori special Robert Mueller do të intervistojë Trumpin brenda disa javësh. Ekipi ligjor i Trumpit nuk i ka konfirmuar këto lajme, por në të kaluarën ka pasur reagime mediatike, sidomos për presidencën e Trump.
Robert Mueller, ish drejtor i FBI-së dhe tashmë prokuror i angazhuar, po heton bashkëpunimin e mundshëm mes fushatës Trump dhe Rusisë. Tensioni mes Trump dhe Mueller është rritur pasi hetuesit sollën akuzat e para ndaj disa ish-anëtarëve të fushatës Trump.
Sipas “Washington Post”, Mueller ka përmendur mundësinë për të intervistuar presidentin gjatë takimeve që kishte në muajin dhjetor. Burimi anonim i gazetës bëri të ditur se hetimi po lëviz shumë më shpejt se sa mendojnë njerëzit. Avokatët e Trump nuk duan që ai të intervistohet ballë për ballë nga Mueller, por po shohin mundësinë që të japë përgjigje me shkrim për disa pyetje. Ajo që duket e sigurt, të paktën sipas mediave amerikane është se hetuesit duan të marrin në pyetje presidentin. TIRANA TODAY
