Presidenti Donald Trump ka pasur në planet e tij shkarkimin e drejtorit të FBI-së James Comey që nga ditën e zgjedhjeve.
“Presidenti kishte humbur besimin tek Comey dhe sinqerisht, ai e ka pasur në plan shkarkimin që ditën e parë pas përfundimit të zgjedhjeve”, ka bërë të ditur për “CNN”, sekretarja për shtyp e Shtëpisë së Bardhë, Sarah Huckabee Sanders.
Në vijim ajo u shpreh se Comey u shkarkua nga Trump të martën, ai kishte bërë kërkesën gjatë një takimi javën e shkuar me zëvendës avokatin e përgjithshëm, Rod J. Rosenstein, ndërsa informoi të hënën kreun dhe anëtarin e rendit demokratik të Komisionit të Inteligjencës së Senatit.
Nga ana tjetër, zyra e shtypit tha se lajmet që Comey kishte kërkuar më shumë fonde apo burime të tjera për hetimin e çështjes së përfolur me implikimin e Rusisë në zgjedhje , janë lajme të reme. Pra kjo kërkesë nuk është bërë është shprehur Sanders.
Por, Comey pranoi publikisht në mars se FBI po shqyrtonte një koordinim të mundshëm ndërmjet Kremlinit dhe fushatës Trump dhe tha se hetimi kishte filluar në fund të korrikut. Comey tha se për një hetim të kundërinteligjencës, “kjo është një periudhë relativisht e shkurtër kohe”.
Mirëpo kritikët shprehen se Trump me këtë lëvizje është përpjekur që të ndërpresë investigimin.
