Në prag të takimit të nivelit të lartë të NATO-s, mësohet se presidenti Trump u ka dërguar një letër “kërcënuese” shteteve aleate, duke u kërkuar që të ri-angazhohen për shpenzimet e mbrojtjes.
Përndryshe, paralajmëron Trump, SHBA do rishohin të qenit në Aleancë, një zhvillim ky tronditës për bllokun Veriatlantik.
Por aleatët europianë nuk e pranojnë kritikën e Trump për mosshpenzimin e mjaftueshëm për mbrojtjen. Në qendër të kritikave të kreut të Shtëpisë së Bardhë ka qenë Norvegjia, vend-kufi me Rusinë, e cila ka reaguar e para dhe fort
Ministri norvegjez i Mbrojtjes, Frank Bakke-Jensen i tha AP se Norvegjia qëndron me vendimin e NATO-s për të rritur shpenzimet e mbrojtjes.
Ai tha se pret që takimi i NATO-s në korrik t’i japë Norvegjisë një “angazhim të fortë”, duke e quajtur atë “sytë dhe veshët” e Aleancës së Atlantikut të Veriut në veri.
