Presidenti amerikan ka shtuar tensionin mes SHBA-së dhe Koresë së Veriut, teksa ka vijuar me deklaratat e forta lidhur me Kim Jong-un.
Në një intervistë për CBS, Trump u shpreh se nuk e kishte idenë nëse Kim ishte i shëndetshëm mendërisht.
Gjithashtu, ai theksoi se Kim e mori pushtetin në një moshë të re, pavarësisht se iu desh të përballej me disa njerëz vërtetë të ashpër.
“Ai ishte një djalë i ri, 26 apo 27 vjeç, kur babai i tij vdiq. Dhe, sigurisht, që iu desh të përballej me njerëz të ashpër, sidomos gjeneralët e të tjerë si ata. Jam i bindur se shumë njerëz tentuan t’ia merrnin pushtetin, qofshin këta xhaxhai i tij apo dikush tjetër. Por nuk ja dolën dhe është e qartë se ai është një biskotë mjaft e zgjuar”, është shprehur presidenti i SHBA, Donald Trump.
Kreu i Shtëpisë së Bardhë u shpreh se nuk do të ishte aspak i lumtur, nëse Koreja e Veriut bën teste të tjera raketash apo bërthamorë, ndërsa i pyetur nëse do të përgjigjej ushtarakisht në një rast të tillë, Trump u tregua u kujdesshëm dhe deklaroi: Nuk e di, kjo duhet parë kur t’i vijë koha.
