Gjykata e Apelit të Durrësit ka ndryshuar masën e sigurisë nga “arrest në burg| në “detyrim paraqitje” për shtetasin Arlen Hasanaj, i arrestuar si i dyshuar për vendosjen e tritolit te shtëpia e Armand Dukës.
Në 29 janar, avokati i Arlen Hasanajt, hodhi poshtë akuzat nga prokuroria se Hasanaj ka ndezur fitilin e tritolit në banesën e Dukës. Për mediat, avokati Ilia tregoi itinerarin e lëvizjes së klientit të tij.
Në orën 22:03, ai tha se Hasanaj po parkonte makinën e tij dhe të bashkëshortes në banesën e tij. Në këtë mënyrë, ai e quan të pakuptimtë që një person të ketë qenë në dy vende njëkohësisht.
Pas shpërthimit të tritolit në banesën e tij, Armand Duka tha se nuk do të garojë për postin e presidentit të FSHF, nëse ngjarja e ndodhur ishte paralajmërim. Shpërthimi me eksploziv u dënua dhe nga organet ndërkombëtare të futbollit FIFA dhe UEFA.
