Kur na ndajnë dhe tre ditë nga starti i Botërorit që do të organizohet në Rusi, Spanja ka marrë një lajm te keq. Kombëtarja spanjolle është e grumbulluar në Krasnodar dhe sipas “Marca” mbrojtësi i Barcelonës, Gerard Pique, është dëmtuar në seancën e sotme stërvitore për shkak të goditjes në gjurin e tij.
Një dëmtim që ngjalli frikë në kampin spanjoll, duke dërguar mbrojtësit 31-vjeçar për vizita mjekësore mjaft të detajuara.
Nëse mbrojtësi do të humbiste ndeshjen së premtes kundër Portugalisë, Lopetegui do të duhet të përballet me një dhimbje koke tjetër. Mungesë e rëndësishme e Lopetegui është dhe Carvajal, që vuan dëmtimin e pësuar në finalen e Champions League kundër Liverpoolit.
