Lëkundjet e forta të tërmetit që u ndjenë pothuajse në tërë vendin dhe jashtë trojeve, kanë shkaktuar problematika të mëdha në shumë banesa e biznese.
Pasi u propagandua se nga tërmeti, Teatri Kombëtar kishte pësuar shkëputje të soletës nga kolonat, duket se ka qenë veçse një mashtrim, pasi kjo situatë e nderë e ka zanafillën që në janar të këtij viti.
Pra, shkëputja e soletës nuk ka lidhje me tërmetin, por me këtë rast u gjet edhe mënyra për ta justifikuar dhe gjetjes së fajtorit.
Në momentin e rënies së tërmetit, brenda godinës kanë qenë disa aktorë për prova të një shfaqjeje. Për fat të mirë nuk ka ndodhur asnjë incident, ndonëse paniku i ka kapur të gjithë.
Nëse mendojmë anën tjetër të medaljes, sikur gjatë tërmetit të ishte duke u dhënë ndonjë shfaqje në skenë, në risk do të vihej jeta e qytetarëve dhe artistëve. Është aktori Neritan Liçaj, i cili ka reaguar përmes fotove, duke shprehur haptazi zhgënjimin që ndjen.
Bashkëngjitur dy fotove ai ka shkruar: “Ja dhe gënjeshtrat e institucioneve të shtetit. Shumë turp. S’ka ku të vej më. TURP”.
