Gruaja e cila tentoi të mbyste në lumë dy vajzat e saja binjake, është treguar mjaft e fttohtë kur e kanë pyetur se pse e kreu këtë akt. Ajo ka thënë:”Fëmijët e mi ishin!”. Rudina Kishta, 42 vjeç, ka dalë sot para gjykatës. Gjyqtari i gjykatës së Fierit dha masën e sigurisë “arrest me burg”.
Gruaja u arrestua dy ditë më parë. Mes saj dhe bashkëjetuesit ka pasur konflikte të vazhdueshme, pasi Ardian Gjika konsumonte alkool në mënyrë sistematike. Kjo ka bërë që 42-vjeçarja të largohej shpesh herë nga banesa. Edhe bashkëjetuesi i saj e konfirmoi mbrëmjen e shkuar se ajo ishte larguar prej 6 muajsh nga banesa.
Në dëshminë e saj thuhet se banesën e dogji për shkak se i shoqi i kishte premtuar që pasditen e 13 korrikut, do ta kthente në banesën e prindërve të saj.
https://tiranatoday.com/tentoi-te-mbyste-vajzat-42-vjecarja-shokon-me-deklaraten-e-saj/
Rudina Kishta e ka dhënë dëshminë e saj nën një ngarkesë të rëndë psikologjike, për shkak të dy vajzave të saj të mitura, e ndërsa ka shtuar se vajzat kërkonte t’i hiqte qafe, që të mos vuanin.
Ndërkohë, nga banorë të zonës mësohet se 47-vjeçari Ardian Gjika qëndronte shpesh herë i alkoolizuar, e madje edhe të atin e tij Trifon Gjika e kishte detyruar të largohej para disa kohësh nga banesa, ku jetonte çifti. Banesa e djegur është ndërtuar nga babai, dhe është në pronësi të Trifon Gjikës.
