Nga: Marsela Sinani/Ekonomia është fusha që PS, PD e LSI nuk kanë gjetur asnjëherë gjuhën e përbashkët. Qytetarët janë ata të cilët tentojnë të ‘ngrenë’ kokën dhe të gjejnë alternativën më të shpejtë, duke u ankuar në rrjetet sociale të anëtarëve të klasës politike.
Përballjet e tyre të rrufeshme nuk mungojnë si në Kuvend, por edhe në ato mini ‘shfaqje’, të ashtuquajtura deklarata për shtyp, ku mbrojnë ‘me mish e shpirt’ se kemi një rritje ekonomike, krizën e kemi lënë pas, dhe se mbi të gjitha, populli nuk duhet të ankohet për vende pune, sepse janë të paaftë. Krahu i punës gjithmonë duhet të jetë gati, ose siç trumbetohet shpesh: punë ka, por s’ka profesionistë!
Në fillim të gushtit, ministri i Financave, Arben Ahmetaj, tha se në 7-mujorin e parë të vitit 2018, janë shtuar mbi 10 mijë biznese, duke reaguar në këtë formë ndaj deklaratave të opozitës, mbi rënien e biznesit në vend dhe punësimin.
Shuplakë ndaj qeverisë
Nëse flasim për histori suksesi, patjetër që duhet të kthejmë kokën pas, se sa është punuar në këtë drejtim. Duke lënë pas akuzat e kundër-akuzat e secilës palë, në bazë të raportimit të rezultateve nga Këshilli Rajonal për Bashkëpunim (RCC) lidhur me Strategjinë 2020 të Europës Juglindore, del se Shqipëria ka hapur vetëm 28 mijë vende të reja pune, në harkun kohor 2010-2017.
Në karikaturën e fundit, Bujar Kapexhiu na ka ‘hapur sytë’ mbi situatën në vend, ku qytetarët vetëm ankohen se nuk ia dalin dot me shpenzimet ditore.
Sigurimi i bukës së gojës është kthyer tashmë në një çështje, të cilën e valëvit si flamurin e suksesit PD-ja. Tashmë qytetarëve u është shtuar edhe një hall mbi supe, ku për çdo produkt duhen blerë qese. Urojmë që mos të mos vijë ajo dita, kur të shkojmë të blejmë vetëm qese, e të kthehemi duar-bosh në shtëpi!
https://tiranatoday.com/te-blesh-qeset-sa-frengu-pulen-tregtaret-ua-hedhin-qytetareve/
