Edhe pse në samitin e Triestes u arrit marrëveshja për zhvillimin e tregtisë rajonale në Ballkan, statistikat e marra nga CEFTA tregojnë se Shqipëria nuk ka përparuar në fushën e tregtisë në vitin 2016.
CEFTA është një marrëveshje e tregtisë së lirë në të cilën marrin pjesë tetë vende të rajonit të Ballkanit Perëndimor: Kosova, Shqipëria, Maqedonia, Mali i Zi, Serbia, Bosnja dhe Hercegovina dhe Moldavia. Sipas një raporti të publikuar tregohet se tregtia e Shqipërisë me këto vende nuk pësoi ndryshime të dukshme që kur u nënshkrua marrëveshja.
Përkundrazi në vitin 2016, Shqipëria importoi më pak mallra nga vendet e CEFTA-s. Nga 8% që ishte pesha e importeve në këto vende më 2015, në 2016 zbriti në 6%.
Në raport bëhet e ditur se partneri më i fuqishëm tregtar i Shqipërisë për eksportin është Italia. Me Italinë Shqipëria realizon 58% të eksporteve ndërsa me vendet e CEFTA-s realizoi vetëm 14% të eksporteve, një peshë e njëjtë me atë të vitit 2015. Ndërkohë që gjatë vitit të kaluar Shqipëria ka rritur më tej (7%) përqendrimin e eksporteve me Italinë në raport me 2015.
