Gjatë mesditës së sotme, Ministri Brendshëm Sandër Lleshaj foli mbi ndalimin e lojërave të fatit. Takimi i ministrit me drejtuesit e policisë, vjen pak orë pas atentatit mafioz në Elbasan, ku mbetën të vdekur tre persona.
Teksa një vëmendje e shtuar ishte në drejtim të Ministrit të Brendshëm, për të përcjellë ndonjë detaj, ai zgjodhi që të heshte në këtë drejtim.
“Ju falenderoj të gjithëve për rezultatet e larta që keni sjellë në luftën kundër krimit të organizuar, kundër kultivimit të narkotikëve.
Kam fituar një respekt të madh për Policinë e Shtetit. Ju uroj Gëzuar Vitin e Ri, dhe suksese në punë”, u shpreh ndër të tjera Lleshaj.
